Nola errezibitu ETB numerikoan (digitalean) ?

2011-04-14 Catégorie :

Antenatik, frantses kateak errezibitzen dituzuen igorgailu beretik hartzen duzue ETB : hertziar hedapen digitala (LTD).
Ondoko eremu hauek LTD igorgailuek estaltzen dituzte :
- Larrun
- Hazparne
- Luhuso
- Donibane Garazi : Jara
- Izpura - Buztintze
- Lartzabale
- Maule
- Atharratze
- Donapaleu
Bi berezitasun frantses kateekin parekatuz :
- Hendaian eta Urruñan frantses kateak zabaltzen dituzten igorgailuek ez dute Euskal Telebista hedatzen : eremu horretan, ikusleek Euskal Telebista zuzenki Jaizkibeletik hartzen dute.
- Donapaleuko errepikagailuak ez ditu frantses kateak zabaltzen, hemen ikusleek frantses kateak "Pic du Midi"tik errezibitzen dituzte eta Euskal Telebista Donapaleuko errepikagailutik.
Eremu horietan,EiTB multiplex osoa hedatua da : EiTBko telebista kate guziak barne bi euskarazko kateak ETB1 eta ETB3 (haur eta gazteen katea) eta irrati guziak.
GARRANTZITSUA : kateen zenbakitzean, EiTB kateak bukaeran daude (adibidez : 801tik 804ra ETB1, ETB2, ETB3 eta ETBsat edo 82tik 85ra). Lehen frantses katetik gibeleraka joanez, errexa da ETB atxematea.
KASU :
- Lartzabale eta Donapaleuko hedapena ez da oraino egonkortua : interferentzia arazoak konponbidean dira - eremu horietan ez harri ETB ez baldin baduzue oraindik errezibitzen ! Antolatu orduko, jakinaraziko dugu.
- Igorgailu guzietan hedapena egonkortzeko guti gora behera hilabete baten epea beharrezkoa da.
-Bitartean, milesker EEP abisaturik ohartzen zareten arazoetaz.

ETB1 satelite bidez errezibitzen ahal duzue ere, parabola beretik, FRANSAT deskodegailua ukanez.
KASU : 2011ko apirilaren 12tik goiti, ETB1en hedapena satelite bidez enkriptatua izanen da eta Ipar Euskal Herriko biztanleei bakarrik idekia : satelite bidez dohainik errezibitzen segitzeko, formularioa hau (klikatu) behar duzue.

Xehetasunak : 05 59 31 18 34 (EEP)