VII. inkesta soziolinguistikoaren emaitzak Ipar Euskal Herrirako
Euskararen Erakunde Publikoak, Eusko Jaurlaritzak eta Nafarroako Gobernuak elkarlanean burutu duten VII. inkesta soziolinguistikoaren emaitzak 2023ko martxoaren 30ean argitaratu dira. Emaitza hauek Ipar Euskal Herriari dagozkie. Euskal Herri osoko emaitzak berantago argitaratuko dira.
Inkesta soziolinguistikoaren emaitzak biziki tresna baliagarriak dira euskararen aldeko hizkuntza politiken emaitzak neurtzeko tenorean, bai eta ondoko urteetako lehentasunak finkatzerakoan.
2023-03-30eko prentsa oharra
2023-03-30eko aurkezpena
Ipar Euskal Herriko emaitzak (2023ko martxoa)
2016ko Inkesta Soziolinguistikoa
Eusko Jaurlaritzako Hizkuntza Politikarako Sailburuordetzak, Euskal Herriko seigarren inkesta soziolinguistikoa antolatu du 2016 urtean. 1991, 1996, 2001, 2006 eta 2011 urteetan egin zen bezala, inkesta Euskal Autonomia Erkidegoan, Nafarroan eta Iparraldean eramana izan da.
Telefonoz egindako galdeketa horiei esker, hizkuntza-gaitasunaz eta euskararen erabileraz informazioak bil daitezke, euskaraz hitz egiten den eskualdeetan.
Iparraldean, Euskararen Erakunde Publikoak (EEP) Euskal Gobernua lagundu du inkestaren gauzatzearen urrats desberdinetan, bi erakundeek garatzen dituzten mugaz gaindiko harremanen kari. Laginaren finkatzearen ardura INSEE erakundeari emana izan zaio ; 16 urte baino gehiagoko 2000 jende galdezkatua izan da.
Inkestak hiru eskualde aztertzen ditu (1991an finkatuak izan ziren eskualde horiek) : BAM eskualdea (BAM hiri elkargoa + Hiriburu + Bokale), BAB-tik haratagoko Lapurdi eskualdea (kostaldea eta barnekaldea) eta Nafarroa Beherea/Zuberoa eskualdea.
